Rusiyanın Qarabağdakı sülhməramlı qüvvələrinin komandanı yenə dəyişib.Bu haqda informasiyanı “Operativ Məlumat Mərkəzi” Telegram kanalı yayıb.
Mənbə yazır ki, Qarabağdakı sülhməramlı qüvvələrə general-mayor Andrey Volkov rəhbərlik edəcək.
Qeyd edilir ki, komandirin dəyişdirilməsi planlaşdırılmış rotasiya çərçivəsində həyata keçirilir, işlərin qəbulu və təhvil verilməsi proseduruna başlanılıb.
Volkov 2020-ci ilin noyabrından 2021-ci ilin may ayına kimi sülhməramlılara general-leytenant Rüstəm Muradovun rəhbərlik etdiyi vaxtda Rusiyanın Qarabağ bölgəsində sülhməramlı kontingentinin komandir müavini olub.
Hazırda Volkov Rusiya Müdafiə Nazirliyinin Cənub Hərbi Dairəsinin radiasiya, kimyəvi və bioloji mühafizə qoşunlarının rəisidir.
2021-ci ilin sentyabrından Rusiyanın Qarabağdakı sülhməramlı kontingentinin komandiri vəzifəsində general-leytenant Gennadi Anaşkin çalışıb.
Bizim.Media
